Tánaiste: A bhfuil ón Eoraip anois, sin cinnteacht

Tar éis Chomhairle Gnóthaí Ginearálta an lae inniu , labhair Uachtarán na Comhairle, an Tánaiste Eamon Gilmore, faoi Chreat ilbhliantúil Airgeadais an AE:

"A bhfuil ón Eoraip anois, sin cinnteacht. Sílim go bhfuil tuiscint sna Ballstáit agus in institiúidí an AE ar an tábhacht atá le  comhaontú a thabhairt i gcrích ar bhuiséad AE na 7 mbliana romhainn – don chomhartha a sheolfaidh sé sin chuig an Eoraip féin, chuig a  cuid saoránach, institiúidí polaitiúla agus an domhan mór. Tá duais an-mhór le baint amach.

"Má theiptear  teacht ar chomhaontú, cruthófar  fadhb bhreise a bhféadfadh an Eoraip déanamh gan í."

Tá tuiscint san Eoraip gur gá dúinn  bogadh ar aghaidh agus dul chun cinn a dhéanamh. Ní féidir leis an Eoraip fanacht sáite i bplé géarchéime. Comhaontú a fháil ar CAI, tá sé thar a bheith tábhachtach sa chomhthéacs sin. Cruthóidh sé cinnteacht, cobhsaíocht agus muinín san Eoraip, nithe a  spreagfaidh infheistíocht agus fás."

Dhírigh Comhairle Gnóthaí Ginearálta an lae inniu ar thrádáil agus ar chaidreamh seachtrach freisin.

Maidir le trádáil, dúirt an Tánaiste:

"D'aontaigh muid inniu deiseanna trádála a shaothrú go fuinniúil. Sin tosaíocht d'Uachtaránacht na hÉireann. Tá fúinn go háirithe dul chun cinn a dhéanamh ar Chomhaontú Saorthrádála AE-SAM. Tá súil agam nach fada go bhfeicfimid  foilsiú na tuarascála ón Meitheal Ardleibhéil air sin ".

Maidir le caidreamh seachtrach, dhírigh an Chomhairle Gnóthaí Ginearálta ar chaidreamh le Comharsanacht an Deiscirt ó thráth an Earraigh Arabaigh. Dúirt an Tánaiste:

D'aontaigh muid inniu fanacht tiomanta dár gcomhpháirtíocht lenár gComharsana sa Deisceart, chun tacú leo ina n-aistriú polaitiúil agus eacnamaíoch.